Google සමාගම අද වන විට අන්තර්ජාල සේවා සපයන ආයතන අතරින් ප්‍රමුඛස්ථානයක් ගන්නා අතරම ලෝක ව්‍යාප්තජාලයේ බලකොටුව බවට පත්ව තිබේ. ගුගල් මගින් ලෝක වාසීන්ට නොමිලේ බෙදාදෙන සිය ගනනක් සේවාවන් අතරින් ලාංකිකයන් හරි හමන් ප්‍රයෝජනයක් ගන්නවාද යන්න සැකයක් තිබෙන නමුත් තවමත් පූර්ණ වශයෙන් ලාංකිකයන් අන්තර්ජාල භාවිතයට හුරුවී නැති නිසා ඉදිරියේදී අපට එක් විය හැකි අවස්ථා බොහෝමයකි.

Google සමාගම විිසින් Google Trends සේවාව ලෝකවාසීන්ට හදුන්වාදෙන්නේ 2006 වර්ශයේ Google Insights සේවාවට අනුබද්ධිතව. නමුත් පසුව එය වෙනම සේවාවක් ලෙස හදුන්වාදෙන ලදී. Trends සේවාව යනු ගුගල් සෙවුම් යන්ත්‍රය ඔස්සේ ජනතාව කරන සෙවුම් පිලිබදව විශ්ලේශනාත්මක වාර්ථාවන් ඉදිරිපත් කරන වැඩසටහනකි .මේ සේවය හරහා යම් සෙවුම් පද (key words) එකකට වැඩි ගනනක් ලෝකවාසීන් හෝ යම් රටක ජනතාවක් සෙවුම් කර ඇති ප්‍රමානය කාලය පරතරයන් හා ප්‍රදේශ පිලිබද සවිස්තරාත්මක වාර්ථාවක් ලබාගත හැකිය.පසුගිය කාලයේදී ලංකාවෙ SEX යන සෙවුම් වදන Google සෙවුම් යන්ත්‍රය තුලින් වැඩිම වාර ගනනක් ගවේශනය කල රට හැටියට පෙන්වුම් කලේද මෙම google trends සේවාව හරහාය.

Google Trends සේවාව සමාජ විශ්ලේශන උපකරණයක් ලෙස භාවිත කල හැකිද යන්නට නිශ්චිත වු පිලිතුරක් සැබැවින්ම දිය නෙහැකිය .මන්ද යම් කාරණයක් ගැන පුලුල් සමාජ විශ්ලෙශනයකට වඩා පුලුල් වු ප්‍රවේශයන් ගනනාවක් ඔස්සේ බැලිය යුුතු නිසාය .කෙසේ උනත් එය රටක හෝ ලෝකයේ ජනතාව යම් කාල ප්‍රාන්තරයක් තුලදී වැඩිපුරම උනන්දු වන්නේ කුමක් සදහාද යන්න පිලිබද පැහැදිලිවම කිව හැකි කාරණයකි. යම් පදනමක් මත එකිනෙකට සම්බන්ධකල හැකි සාධක නැතහොත් සෙවුම් වදන් කිහිපයක් තෝරාගැනීමෙන් යමි කාලපරතරයක් තුල යමි ප්‍රදේශයක් ජනතාවක් වැඩිපුරම උනන්දු වු කාරණය මින් හදුනා ගත හැකිය .නැතහොත් එකී සමාජය විිවිධ කාල වලදී විවිධ අංශ වලට නැඹුරුවු ප්‍රමාණය මින් පහසුවෙන් අවබෝධකර ගැනීමට භාවිත කල හැකිය පහත උදාහරණය බලන්න.

ඉහත Trends විශ්ලේශනයෙන් දැක්වෙන්නේ පසුගිය වර්ශ 5ක් ඇතුලත ලංකාවේ ප්‍රධාන ආගම් වන බුද්ධාගම ස්ලාම් ආගම සහ හිංදු දහම පිලිබද ලාංකිකයන් අන්තර්ජාලය තුල ගවේශනය කර ඇති ආකාරයයි. මෙහි දැක්වෙන ප්‍රස්ථාරය අනුව ලාංකියන් Buddhism හෙවත් බුද්ධධර්මය ගැනත් Islam හෙවත් ස්ලාම් ධර්මයත් හිංදු ධර්මයත් ගැන ගවේශනය කර ඇති ආකාරය දැක්වේ. මෙහි ප්‍රධාන වශයෙන්ම දැක්වෙන සංරචක දෙක වන ස්ලාම් ධර්මය හා බුද්ධ ධර්මය සසදන විට පසුගිය වසර 5 තුල ස්ලාමි භාක්තියන්ගේ ප්‍රතිශතය 9.5 %ක් හා ‍බෞද්ධ ප්‍රතිශතය 75% වන තත්වයක් යටතේද ස්ලාම් ධර්මය යන්න ගවේශනය කර ඇති ප්‍රමාණය බුදුදහම ගවේශනය කර ඇති ප්‍රතිශතය මෙන් දෙගුණයක් පමණවේ. මෙහි සරල උපකල්පනයක් ලෙස බොහෝවිට පසුගිය කාලපරිච්චේදය පුරා  ඇති වී තිබු ආගමික ගැටලුකාරී තත්වය මත බෞද්ධ ප්‍රජාවගෙන් පිරිසක්ද ස්ලාම් ධර්මය හෝ එහි සංස්කෘතිය ගැන කරුණු කෙරේ උනන්දුවකින් පසුවු බව උපකල්පනය කල හැකිය.


ආගම සැම විටම උත්සහ දරන්නේ මිනිසා සික්ෂාකාමී පුද්ගලයෙක් බවට පත් කිරීමටය .නමුත් කෙදිනක නම් මිනිසා විසින් නිර්මිත ආගම්වලට ස්වභාවයට පිටතින බාහිර කරුණක් ලෙල එල්ල කරන ආගමික බලපෑමට ස්වභාවික මිනිසා යටත් කල හැකිවේද . අති ආගමික නැඹුරුවක් සහ හික්මීමක් ඇති රටක් වන ලංකාව තුල ආගම් ගැන ගවේශනය සහ Pornhub නම් ජනප්‍රිය වෙබ් වදන සෙවීමේ පරිමාවේ තරම හදුනාගත හැකිද. සැබැවින්ම මෙය ලංකාවට පමනක් නොව ඕනෑම රටක Trend ප්‍රස්ථාරයක් තුල දැකිය හැකි ස්වභාවයකි.

සැබැවින්ම මා විසින් ඉහත දැක්වා ඇත්තේ Trends සේවය සමාජ විශ්ලේශනයන් සංගනනයන් හෝ සමාජීය හැසිරීම පිලිබද තේරුමි ගැනීමට Google trends හරහා හැකිය යන මතය ඉදිරිපත් කිරීමට නොව එය යමි අවස්ථාවලදී සමහර විශ්ලේශනයන්ට උපකාරයක් කර ගත හැකි බව පෙන්වීමට මෙන්ම ලාංකිකයන් බහුතරයක් උනන්දු නොවන ගුගල් සේවාවන් පිලිබද උනන්දුවක් ඇති කරලීමටය.

Google Google Trends ගෝලීය සිංහල