Skip to main content

Mikhail Sholohow ගේ "Tales Of Don" දොන් පෙදෙසේ නොපල කතා නමින්

"ජර්මානුවෝ ඒ දැරිවිව කුස්සිය පිටිපස්සට ඇදන් ගිහිල්ලා දුශනය කරල මරල දාලා. ඒ දැරිවි වැටිල උන්නේ තැලිච්ච අර්තාපල් ගොඩක් උඩ පුංචි දැරියක් ලපට් එකියක් ලේ තැවරුනු අභ්‍යාස පොතුයි අච්චු පොතුයි මිනිය ලග වැටිල තිබුනා මූන පොරවකින් කපල එහෙම  පිටින්ම මහ භයානක තාලෙට විකෘති වෙලා දැරිවි තමන්ගේ අතින් කට ඇරිචිච පාසල් බෑග් එකත් අල්ලගෙන උන්න අපි ඉතින් දැරිවිගේ මිනිය රෙද්දකින් වහල කතා නැතිව හිටගෙන උන්නා"

මේ කතාව කියන්නෙ කපිතාන් ගෙරාම්සෝව්. ඒ චුලානන්ද සමරනායක මහතා විසින් දොන් පෙදෙසේ නොපල කතා යන නමින් පරිවර්ථනය කරල ඉදිරිපත් කරපු රුසියානු ලේඛක මිහයිල් ෂොලෝහෝව් ගේ කෙටි කතා එකතුවක තියෙන වෛරයෙන් උගත් පාඩම් කියන කතාව ඇතුලේ .මෙම පොතේ පලවෙලා තියෙන කෙටි කතා අට අතරින් " කොමඩු වතු මුරකරන්නා" කතාව හැරුනු කොට අනික් සියලුම කතා සිංහලට පරිවර්තනය වන්නේ පලමුවෙනි වතාවට. නොබෙල් ත්‍යාගලාභී මීහයිල් ශොලෝහව් උපත ලබන්නේ 1905 මැයි 11 වැනි දා රුසියාවේ  Veshenskaya ප්‍රදේශයේ ,ළමා සහ පාසල් කාලයෙන් පස්සෙ ඔහු රතු හමුදාවට බැදෙනවා. ඉන් වසර 4 කට පස්සේ මිහයිල් දකුනු රුසියාවේ දොන් පලාතට පැමිනෙනවා ඉන්පසු 1932 දි කොමියුනිස්ට් පක්ශයට බැදෙන ඔහු 1961 දි එහි මධ්‍යම කාරක සභාවේ සාමාජිකයෙක් බවටද පත්වෙනවා.

දෙවන ලෝක යුද්ධ සමයේදි රුසියානු සමාජය යුධමය වශයෙන් හා ආර්ථිකමය වශයෙන් හා සමාජී්‍ය වශයෙන් බැටකාපු තරම කෙටි කතා කිහිපයක් ඔස්සේ ගලායන විදිහට නිර්මානය කරල තියනවා.  අවුරුදු 30ක් යුද්ධයෙන් බැටකාල සංවේදී ඉන්ද්‍රියන් මොට වෙච්ච මිනිස්සු ඉන්න රටක් විදිහට අපේ රටේ මිනිස්සුන්ට මේ නිර්මාන පෙල මොන විදිහට සංවේදි වෙයිද කියල කියන්න අමරු උනත් සමහර විට මේ කතා ටික කියවන් යනකොට ටික දෙනෙක්ට හරි  අපේ පරන මතක ඇවිස්සෙන්නත් පුලුවන්.

ලංකාවේ නිදහට පෙර යටත් විජිත කාලයේ ඉදල ලබපු අමිහිරි අත්දැකීම් වල වේදනාව යන්නත් කලින්, 57 බන්ඩාරනායක චෙල්වනායගම් ගිවිසුමෙන් පසුකාලේ පුපුරල යන්න පටන් ගත්ත ජනවාර්ගික අර්බුදයත්. ඒකේ දිගුවක් උන 83 කලු ජුලියේ ඉදල 2009 වෙනම් ඇදිල ආපු සිවිල් යුද්ධය වගේම 71 කැුරැල්ල, 88-89 භිශන යුගය, ඇතුලේ අපි හොද හැටි විදපු අපි දැකල තියෙන අපි අහල තියෙන තිත්ත කතා වලම ප්‍රතිරූපයක් තමයි දොන් පෙදෙසේ නොපල කතා. මෙහි තියන කතා අතරින් අපේ ලාංකීය සමාජයට හොදින් හුරුපුරුදු බඩගින්නත් දුගි දුප්පත්කමත් හා වීරත්වයත් ගැන ''අල්යෝශ්කාගේ හදවත'' තරම් සංවේදී වෙනත් කතාවක් මම කියවා නෑ. එවන් මිනිස් ජීවිත අපේ පෙරදිග අපේ සමාජයේද  මේ ලංකාවේද දැනට උවද විරලව හෝ තියෙනවා.  එහි එක තැනක මෙලෙස සදහන් වෙනවා.

''අල්යෝශාගේ විදුරුමස් වනවිමට පටන් ගතී .උදෑසන දරාගත නොහැකි බඩගින්න නිවාගනු පිනිස ඔහු එල්ම් ගසක ලාටු බැදි පොත්තක් සපද්දී ඔහුගේ දත් බුරුල්ව  නලියන්නට වුයේ දරුනු වමනයකින් උගුර සිරවී ගියේය - අල්යෝශාගේ දෙපා තනපත් මෙන් දුබලය. සැකයෙන් දෙපා දෙස බැලු ඔහු දෙතොල් අග දැනෙමින් පැවති දරුනු වේදනාව හේතුවෙන් මුුමුනමින් ආපසු වැතිර ගත්තේය. - මට එතැනට යන්න බෑ අම්මෙ හුලගට මාව ගසාගෙන යනවා''

යුද්ධයෙන් බැටකාපු බඩගින්නෙ කන්නවත් නැතුව ලේ විතරක් දැකපු  සමාජයක පාපොච්චාරනයක් දොන් පෙදෙසේ නොපල කතා තුලින් කියැවෙන හැම කතාවක් තුලම තියෙනවා .බඩගින්දරත් අනෙකාගේ වේදනාව ගැන නොහිතපු කුරිරු සමාජයත් යුද්ධයේ  ත්‍රස්තයත් මිනිසුන්ගේ වීරත්වය වගේ ආත්ම පරිත්‍යාගය ගැනත් කියවෙනවා .කාලෙන් කාලෙට අද දක්වා මරන හැරෙන්නෙ වෙනත් දෙයක් නොලබාපු රටක් විිදහට ඉදිරි දශකය තුල අපේ රටේ අය මොන විදිහේ ලේ වැගිරීමක් වෙයිද කියන්න අපි දන්නේ නෑ .ඒ කොහොම උනත් අපට පුලුවන් උනොත් මෝඩකමින් හා දේශපාලන වහල්බාවයෙන් අන්ධ වෙලා තවත් ජාතියක බෙල්ලට තුවක්කුව තියල දනගස්සවලා පුරාජේරුකම් කියවලා සදාකාලික මායාවක හිරවෙලා ඉන්න අපේ මිනිස්සුන්ට පොතපතින් කලාවෙන් හෝ අධ්‍යාපනයෙන් එක දශමෙක හරි අවදිවිීමක් කරන්න ඒකට මේ කතාපෙල පොඩ්ඩක් හරි උපකාරී වෙයි .




Popular posts from this blog

ප්‍රේමය ගැන

ප්‍රේමය බොහෝ ඉවසිලිවන්තය කරුනාවන්තය  ප්‍රේමය ඊර්ෂ්‍යාවෙන්නේ නැත  ප්‍රේමය පාරට්ටුකරගන්නේ නැත  අහංකාරවන්නේද  නැත  අශෝභනලෙස හැසිරෙන්නේ නැත තමාගේම කාරණා සොයන්නේ නැත කෝපවෙන්නේ නැත නපුර ගණන්ගන්නේ නැත අධර්මිෂ්ඨකමට ප්‍රීති නොවී සැබෑව සමඟ ප්‍රීතිවන්නේය ප්‍රේමය  සියල්ල දරාගන්නේය  සියල්ල විශ්වාසකරන්නේය  සියල්ල බලාපොරොත්තුවන්නේය  සියල්ල ඉවසන්නේය  - කොරින්ති

මිනිස් ලිංගිකත්වයේ රහස් විකිනීම

භාන්ඩ සහ සහ සේවා නිශ්පාදනය කරමින් මිනිස් අවශ්‍යතා තෘප්තිමත් කර මිනිසාව මෙහෙ‍ෙවීමේ ක්‍රමයද අභිවබායමින් අද වන විට අභ්‍යන්තරික සංකීර්ණ මිනිස් ආශාවන් සියුමිව අධ්‍යයනය කිරීමෙන් එයට ගැලපෙන ලෙස එය සංතෘප්ත කරනු පිනිස භාන්ඩ නිශ්පාදනය කිරීමේ ක්‍රමවේදයකට වර්ථමාන ධනවාදී සමාජ ක්‍රමය පෙල ගැසීතිබේ.  මේ කාරණයේදි මේ නිර්මානකරුවන් ඉතා දක්ශලෙස පුලුල් පරාසයක් පුරා පැතුරුන සංකීර්නම මිනිස් ආශාව පදනම් කරගත් නිශ්පාදන රැල්ලකට අත ගසා තිබේ. එය ඉතා කපටි මෙන්ම ඕනෑම පරාසයක් දක්වා ඉතා පහසුවෙන් පෙලඹවිය හැකි සාධකයක්වීම මේ නව නිශ්පාදන රැල්ලට පහසුවක් වී තිබේ ඒ ලිංගිකත්වයයි.. අප දන්නා ලෙස ලෝක වෙලදපල සිදුවන භාන්ඩ හා සේවා ගනුදෙනු වටිනාකම් වලින් සැලකිය යුතු කොටසක් E-Bay, Ali express හා Amazone වැනි දැවැන්ත පෙලේ සමාගම් අත්කරගෙන සිටී. ඒත් අප අමතක කල කොටස වන්නේ සදාචාරය හා මානවවාදය වැනි පුරසාරම් දොඩවන ඇමරිකානු එක්සත් ජනපදය  ප්‍රමුඛ බටහිර කදවුර පුද්ගලිකත්වය හා ආත්මගෞරවය තඹයකට මායිම් නොකරන Pornhub ,Hxamister වැනි ප්‍රමුඛපෙලේ වැඩිහිටි වෙබ්අඩවි වලින් ඩොලර් මිලියන ගනන් මාසිකව බදු ආදයම් ලබා ගැනීමයි. ඔබ නිකමට Google Tren...

කොංගෝ මානුශික අර්බුධයෙන් මිනිස් ඝාතන 1900 ක් හා පැහැරගැනිම් 3300 ක්

ප්‍රජාතාන්ත්‍රික කොංගෝ ජනරජයේ නැගෙනහිර කිවු පලාතේ සැරිසරන සන්නද්ධ කන්ඩායම්විසින් එම පසුගිය 2017 හා 2019 වර්ශයේ ජුනි කාලපරිච්චේදය තුල සිවිල් වැසියන් 1900 ඝාතනය කර තවත් පුද්ගලයින් 3300 කට අධික ප්‍රමානයක් අතුරුදන්කර ඇති බව Human rights watch සහ Newyork univercity based congo research group  යන ආයතන දෙක විසින් ඒකාබද්ධවපවත්වගෙන යනු ලබන Kivu security trackers ව්‍යාපාතිය මගින් හෙලිදරවු කර තිබේ. අප්‍රිකාව තුල අමතකකර දමන ලද කොංගෝව හෙවත් අප්‍රිකාවේ දිර්ඝතම මානුශික අර්බුධය යන මැයෙන් පසුගිය 14 වැනිදා ඉදිරිපත් කරන ලද පිටු 17 ක වාර්තාව තුල මේ දත්ත ඇතුලත් වේ .පසුගිය වසර දෙක තුල උතුරු සහ දකුනු කිවු ප්‍රදේශවල ඇතිවු ගැටුමි වල ස්වභාවය ප්‍රචන්ඩත්වයේ මට්ටම හා සාමය බලපැවැත්විමට ඇති බාදක ගැනද මෙහි සදහන් වේ.  Human rights watch හී මධ්‍යම අප්‍රිකානු ප්‍රදේශය භාර අධ්‍යක්ශ Lewis Mudge මහතා සදහන් කරනආකාරයට 130 කට අධික සන්නද්ධ කන්ඩායම් ප්‍රමානයක් මේ වනවිට කිවු ප්‍රදේශය ලෝකයේ ප්‍රචන්ඩතම ස්ථානයක් බවට පත්කර ඇති බව ඒ මහතා ප්‍රකාශකලේය.  කොංගෝවේ ආරක්ශ අංශ විසින් බලය යොදා තත්වය පාලනය කරනු වෙනුවට මේ...